Икона живоносный источник




Икона живоносный источник

 

Икона живоносный источникВ пятницу Светлой седмицы святая Церковь совершает празднество в честь Пресвятой Богородицы - Живоносного источника, в воспоминание чудес, бывших от Богоматери в Константинополе, в храме Ее имени (в 450 г.). В этот день бывает крестный ход вокруг церквей.

Явление сего чудотворного образа произошло 4 апреля (ст. ст.) 450 года в роще близ Константинополя, когда проходивший в тех местах воин Лев Маркел решил напоить заблудившегося слепца. Услышав голос Пресвятой Богородицы, Лев зачерпнул воды из затянувшегося тиной водоема, напоил и умыл болящего, и слепец немедленно прозрел и пошел в Константинополь без проводника, прославляя Богородицу.

Источник тот был очищен от тины, и над ним устроили храм.
Немало чтимых икон Божией Матери Живоносный источник существует и в России. Великий старец Серафим Саровский посылал молиться пред иконой Живоносный источник, что в Саровской пустыни, болящих и скорбящих, и они часто получали исцеление.

 

Молитва к Пресвятой Богородице Скоропослушнице

 

«Преблагословенная Владычице, Приснодево Богородице, Бога Слова паче всякого слова на спасение наше рождшая, и благодать Его преизобильно паче всех приявшая, море являшаяся божественных дарований и чудес приснотекущая река, изливающая благость всем с верою к Тебе прибегающим! Чудотворному Твоему образу припадающе, молимся Тебе, всещедрей Матери Человеколюбивого Владыки: удиви на нас пребогатыя милости Твоя, и прошения наша, приносимая Тебе, Скоропослушнице, ускори исполнити все, еже на пользу во утешение и спасение, коемуждо устрояющи. Посети, Преблагая, рабы Твоя благодатию Твоею, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши, избави, всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отращающи гнев Божий, и душевного разслабления, обуревания страстей и грехопадений свободы рабы твоя, яко да непреткновенно во всяком благочестии поживше в сем веце, и человеколюбием Сына Твоего и Бога, Ему же подобает всякая слава, честь и поклонение, со безначальным Его Отцем и Пресвятым Духом, ныне, и присно, и во веки веков. Аминь».

 

Молитва к Пресвятой Богородице

 

«О Пресвятая Дево, всеблагаго Сына Мати всеблагая, царствующаго града Москвы покровительнице, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных, раб Твоих, Тебе возносимое, и якоже древле грешника, на всяк день многажды пред честною иконою Твоею молившагося не презрела еси, но даровала еси ему нечаянную радость покаяния, и преклонила еси Сына Твоего многим и усердным к Нему ходатайством ко прощению сего грешного и заблудшагося: тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам, с верою и умилением покланяющымся пред цельбоносным образом Твоим, дарует нечаянную по коегождо потребе радость: грешником, погрязшим во глубине зол и страстей - вседейственное вразумление, покаяние и спасение; сущим в скорбех и печалех - утешение; обретающимся в бедах и озлобленниих - совершенное сих избытие; малодушным и ненадежным - надежду и терпение; в радости и изобилии живущим - непрестанное Благодетелю благодарение; бедствующим - милосердие; сущим в болезни и долгонедужии и оставленным врачами - нечаяемое исцеление и укрепление; иждившим от недуга ум - ума возвращение и обновление; отходящим в вечную и нескончаемую жизнь - память смертную, умиление и сокрушение о гресех, дух бодр и твердую на милосердие Судии надежду. О Госпоже пресвятая! Умилосердися ко всем чтущим всечестное имя Твое и всем яви всемощный покров Твой и заступление: во благочестии, чистоте и честнем жительстве пребывающыя до последняго их скончания во благости соблюди; злыя благи сотвори; заблуждшыя на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстоящиих обретающимся незримую помощь и вразумление с небесе ниспосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествуюшым спутешествуй; сущим в нужде и гладе буди питательница; неимущим крова и пристанища буди покров и прибежище; нагим подаждь одеяние; обидимым и неправедно гонимым - заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение, и всем нам - друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу, и положи им союз любве неразрушимый, матерем, дети родящим, скорое подаждь разрешение, младенцы воспитай, юныя уцеломудри, отверзи им ум к восприятию всякого полезнаго учения, страху Божию, воздержанию и трудолюбию настави; от домашния брани и вражды единокровных миром и любовию огради. Безматерних сирот буди матерь; от всякого порока и скверны отврати я и всему благому и богоугодному научи, прельщенныя же и во грех и нечистоту падщия, скверну греха отъявши, из бездны погибели изведи. Вдов буди утешительница и помощница, старости буди жезл; от внезапныя смерти без покаяния всех нас избави, и всем нам христианскую кончину живота нашего безболезненну, непостыдну, мирну и добрый ответ на страшнем Судищи Христове даруй. Преставльщияся в вере и покаянии от жития сего со Ангелы и всеми святыми жити сотвори, скончавшимся внезапною смертию милостива быти Сына твоего умоли, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая молитвенница и ходатаица, да еси на небеси и на земли ведят Тя, яко твердую и не- постыдную Предстательницу рода христианского, и ведуще славят Тя и Тобою Сына Твоего с безначальным Его Отцем и единосущным Его Духом, ныне, и присно, и во веки веков, аминь».

 

Молитва к Божией Матери о детях

 

«О, Пресвятая Владычице Дево Богородице, спаси и сохрани под покровом Твоим моих чад (имена), всех отроков, отроковиц и младенцев, крещенных и безымянных, и во чреве матери носимых. Укрой их ризою Твоего материнства, соблюди их в страхе Божием и послушании родителям, умоли Господа Моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты божественный покров рабам Твоим».



Еще материал по данной теме


Гадальные карты Таро

К набору прилагается инструкция, благодаря которой даже начинающий таролог без проблем разберётся в хитросплетениях судьбы.

Карты таро в мешочке (Четки в комплекте)

В набор также входят четки, которые дополнят образ. Отлично подойдут в качестве подарка.

← все статьи